Dum la fino de novembro mia kvara IS aperis en la horizonto kiel kristnaska kutimo, kaj iu enuema sensacio komencis eniri en min. Sed decembro la 27an, ĵus elirante el mia hejmo fruege matene por veturi al flughaveno, la sensacio ŝanĝiĝis al amuzema frenezema etoso, kiu ĉiujare kunigas preskaŭ 300 junajn geesperantistojn en Germanio. Ĉijare la IS okazis en Naumburg, urbo 200 km sude de Berlino, kaj la vetero sufiĉe frostigis la partoprenantojn. Mia sensacio iĝis granda gajeco kiam mi revidis multajn geamikojn, post unu jaroj sen ĉeesti en E-renkontiĝoj. La programo estis interesa: prelegoj, kursoj pri masaĝo, pri dancado, pri lingvoj, diskutrondoj, ekskursoj… kaj nokte tri malsimilaj etosoj por elekti: trinkejo, dancejo, kaj gufujo. (Kio estas gufujo? Venu al la venonta!!!). Kion pli pri IS? Eniru en iu ajn el la sekvontaj foto-albumoj kaj vidu vi mem!

Jen kelkaj el miaj fotoj:

Félix